Header Ads

طريقة التخلص من الگمل - القمل - lice






يقدم لكم موقعكم المتميز العاصمة وبخاصة لمتابعية من مصر العديد من الخدمات التي قد يبحث عنها الكثير على الشبكة العنكبوتية لساعات طويلة ويخرج في نهاية المطاف صفر اليدين لذلك نوفر لك متابعنا العزيز هذه الخدمات عبر موقعنا ونسهل عليك في الوصول اليها واليوم نقدم لك طريقة التخلص من الگمل - القمل - lice  .


الگمل - القمل - lice
هو طفيلي مو حباب يعيش براس الانسان المسكين و ياكل من دمه 😯
هو لا يكمز و لا يطير 😈 إنما بس يكدر يزحف براسك 😬هههههههه
الگملاية الأم تحط 5 بيضات كمعدل باليوم ، لحد متفقس وتكبر تحتاج 10 ايام و تعيش شهر كامل 👌
للعلم الگمل مو بس ع شعر الراس 🙆 لا بأي مكان بيه شعر ممكن يصير گمل ، و أكو انواع تعيش بالملابس و تنتقل للجسم
شلون تاكل ؟
عدها مثل السنون تلتصق بيهن ع جلد الرأس و تبدي تمصمص مثل البگاية 😂 وهيه دتاكل يطلع اللعاب مالتها و يسوي تفاعل ع الجلد و يسبب الحكة ، يعني مو لأن دتمشي براسك/چ تصير الحكه 😃
العلاج فعال للكملاية الأم بس للبيوض مو كلش لهذا من المهم دائما " يفلون " الشعر و يوخرون البيوض بالقليل مرة مرتين باليوم بأستخدام هذا المشط الخشبي اللي تصير سنونه متقاربه حيل هم انزللكم صورته
شلون ينتقل ؟
بالتماس المباشر يعني من تكعد ساعة محاضرة وزميلك بي گمل فحيصير بيك 😂
من تاخذ سيلفي وراس بصف راس هم ممكن ينتقل 🌚
و حقيقة هاية : اخر البحوث تكول السيلفي من الطرق اللي تزيد انتقال القمل ☹️
استخدام نفس المشط و نفس الفير و نفس الخاولي و نفس القراصة و نفس القبعة كلها ممكن تنقللك الگملايات أو بيوضهن 🙁
منو أكثر معرض للإصابة؟
الأطفال بسن المدرسة جدا منتشر بيناتهم و اللي يلعبون وي اصدقائهم بالشارع و كلات و كفش بالنسبة للبنات هاي كلها تسهل الإنتقال و المناطق الرطبة الحارة و الأماكن المزدحمه و المدارس هم تصير بيها بنسب أزيد
هو يصيب الإناث أكثر
و يصيب الاطفال اللي أمهم ملتهيه شكال الفيس و شحجه الواتس 😡 تابعي أبنچ يا حبابة كلما كشفتي مبكر كلما تعالج بسرعة
🚫🚫 مهم جداٌ جداً تعرفون إنه الگمل ماله دخل بالوصاخة يعني مو فلانه بيها كمل يعني مو نظيفة لا ابد ماله أي دخل و مو منطقة تعبانه و منطقة توب يعني هاي بيها و هاي لا ! أبد ماكو فرق
ليش مرات العلاج ميفيد؟
🔵 لأن المريض استخدمه يومين و كال مفادني
( مثل فد ناس😂😂 )
🔵 لأن المريض مجاي يحط كمية مناسبة من العلاج ع الشعر أو ميستخدمه بإنتظام يعني بين يوم ويوم 😐
🔵 لأن مديوخر البيوض بالمشط الخاص فتموت الأماية بس ورة چم يوم يرجع يحك عباله رجعله الگمل بس الحقيقة إنه البيوض فقست يعني مسوينه شي
🔵 مرات قليلة جدا يصير مقاومه للعلاج وميفيد و هاي تصير باللي يستخدمون العلاج هواية يعني صاير بيهم گمل فد 4 مرات فيكوم الدوة بعد ميأثر بيهم
بطلوا سوالف النفط فدوة اروحلكم ترة يأذي خاصة اذا الطفل صغير 😑 و الله بالدوة يروح الگمل 💔
شنو العلاج :
أكو هوايه شامبوات ينغسل بيها الشعر و تنعاف ع الشعر 10 دقايق الى ربع ساعه بعدين يشطف بالمي
أكو يستخدم يومين و اكو مرة و تنعاد بعد اسبوع و حسب التعليمات المكتوبة ع الباكيت
من الشامبوات الموجودة :
Elma
Stop lice
Anti lice
Pure نسك
Oclear
Sally سالي

و اكو لوشنات تصير مثل السبري تنحط ع شعر ناشف و يتدلك الشعر .. ينترك اللوشن ساعة بعدين يتمشط فد مرتين و ينغسل بالشامبو و يفضل شامبو هم ضد القمل حتى نتائج أحسن ، و تنعاد العملية ورة اسبوع علمود أي بيوض باقية حتى تموت


ليست هناك تعليقات

مرحبا بك

يتم التشغيل بواسطة Blogger.