اخر الاخبار

Post Top Ad

Your Ad Spot

الجمعة، 11 يناير 2019

كيفية حساب خشب المطبخ






يقدم لكم موقعكم المتميز شبكة نداء وبخاصة لمتابعية من مصر العديد من الخدمات التي قد يبحث عنها الكثير على الشبكة العنكبوتية لساعات طويلة ويخرج في نهاية المطاف صفر اليدين لذلك نوفر لك متابعنا العزيز هذه الخدمات عبر موقعنا ونسهل عليك في الوصول اليها واليوم نقدم لك كيفية حساب خشب المطبخ .


شرح مبسط للمطابخ عموما
كيفيه حساب تكلفه المطبخ وما هى انواع المطابخ
سؤال يدور كثيرا فى ذهن الاصدقاء
هذا شرح مبسط لاجابه السؤالين
الاول كيفيه حساب تكلفه المطبخ ؟
هنــــــــــــــــاك ثلاث طرق معمول بها فى مصر
1 - المتر المربع 2 - المتر الطولى 3 - نظام الوحدات
1 المتر المربع : ( العرض * الارتفاع )
بمعنى ضرب عرضالوحده* ارتفاعها
لو هناك مثلا حائط 3 متر سفلى وعلوى ارتفاع السفلى من (85: 90 ) وارتفاع العلوى بيكون من ( 60 : 80 ) بيتم ضرب 3 متر * 90 سم مثلا للسفلى = 2.7 متر مربع والعلوى 3 * 70 سم مثلا = 2.1 مربع الاجمالى 4.8 متر مربع
ولو هناك اكثر من وحده ادراج بيتم ضرب ( العرض * ارتفاع ) * 1.5 مثال وحده ادراج 60 سم * 90 سم ارتفاع = 0.54 * 1.5 = 0.81 متر مربع
ولو هناك ركنه حرف ال هناك من يقوم بجمع مقاسات الوحده على الحائطين ثم الضرب * الارتفاع ثم * 1.5
2 المتر الطولى ( هناك طريقتين )
الاولى تقريبا مثل حساب الاولى بمعنى انه يجمع ارتفاع السفلى + ارتفاع العلوى * العرض 
مثال 90 ( السفلى ) + 70 ( العلوى ) = 1.6 * العرض الخشب لو 3 متر 
يساوى 4.8 متر مربع
الطريقه الثانيه جمع عرض الوحدات السفليه + الوحدات العلويه بغض النظر على الارتفاع
لو هناك حائط 3 متر سفلى وعلوى هيبقى الاجمالى 6 متر
ثالثا نظام الوحدات
وهو نظام معمول به عالميا وبدا فى مصر منذ اكثر من 15 سنه
بمعنى ان كل وحده لها سعرها حسب الخامه المستخدمه وحسب العرض وحسب الاستخدام
مثال الوحده ال 90 سم السفلى سعرها مختلف عن ال 90 سم العلوى
مثال الوحده 60 سم الادراج سعرها اغلى من ال 60 سم الضلف
وهكذا
وهذا النظام معمول به فى كبرى الشركات العامله فى مصر منها عمرو حلمى ايكيا كونتشتال مفكو حلوان سمارت فرنيتشر
السؤال الثانى
انواع الخامات المستخدمه فى المطابخ
انواع المطابخ
يسأل كثيرون عن انواع المطابخ 
هذا شرح مبسط للانواع الكثيره المتواجده فى السوق المصرى
لو هناك اى اخطأ فيه فارجوا ان تقبلوا اعتذارى وتصلحوها لى
انواع المطابخ المستخدمه
تنقسم انواع المطابخ الى نوعين أساسيين ونوع ثالث من النادر استخدامه
اولا النوعين الاساسيين
١ الاخشاب ٢ الومينبوم
اولا الاخشاب تنقسم إلى
١ خشب طبيعى. ٢. خشب صناعى
اولا الخشب الطبيعى
اكثر من نوع
١ الارو الماسيف بيكون الضلفه بالكامل من الارو
٢ ارو عادى بيكون قوائم الضلفه من الارو والحشوه من الخشب الفنلندى وعليه قشره ارو
٣ العزيزى أو البيتش باين ايضا الضلفه بالكامل منها العزيزى الخشب الذى يصنع من المراكب
٤ الزان 
٥ الموسكى
٦ الكونتر وعليه قشره ارو
المقصود بالانواع السابقه نوع الضلفه المستخدمه
اما الوحده الداخليه (العلبه) بتكون من الخشب الكونتر ويفضل كونتر جود ود افضل كونتر فى السوق
معظم الانواع السابقه بتاخذ الوان البنيات
ثانيا الخشب الصناعى نوعان
١ ( MDF ) وهو ببكون معالج وعليه طبقه من 
اللامى جلوسى. 
البولى لاك
HPL
الهاى جلوسى
UV
الاكريليك
PVC
وكل ما سبق ايضا بالنسبه للضلف أما الوحدات الداخلية بتكون اما من الكونتر الجود وود او من الام دى اف وعليه طبقه من الفروميكا
النوع الثاني من الخشب الصناعى الخشب الحبيبى كما هو موجود في ايكيا
ثانيا النوع الومينيوم
1- أولها أية هو المطبخ الألومينيوم
المطبخ الالومينيوم يتكون من الجسم الخارجي وده هو قطاع الالومنيوم
الجسم الداخلي (الحشو):وده أما يكون فيبر أوزجاج او شيت الومنيوم
طيب أية هي أنواع المطابخ الألمونيوم
أنواع كتير
1- مطبخ الومينيوم بلون الطبيعي للالومنيوم السلفر
2-مطبخ الومينيوم الوان ساده:جميع الالوان
3- مطبخ الومينيوم بلون الخشبي:وهو مايطلق عليه خشمنيوم
4- مطبخ اكريموتال ميل فينش
5- والجديدمطابخ اكريموتال مرسوم بالكمبيوتر
6- وفيه مطبخ اكريموتال هاي جلاس ودرفته بتكون خشب بيلمع وشفاف وده بننصح العملاء إنهم مايعملهوش لأنه منظر فقط ومش عملي
طيب أية الفرق بين المطبخ الألمنيوم والمطبخ الخشمنيوم ؟
الالومينيوم والخشمنيوم الماتريل بتاعهم واحد
طب ايه الي بيفرق مابينهم
((((اللووووووووون))))
ايوه اللون الخارجي فقط
الجسم الخارجي الي هوه الالومنيوم لما يترش في الفرن بودر الكتروستتك
أما لمايترش الوان خشبيه تحسي من من النظرة الأوله ان المطبخ ده خشب مش الوميتال
ملحوظه هامه جدااااااا
ناس كتير فاكره ان الخشمنيوم ده الومينيوم وخشب
معلومه خاطئه
لية؟
لآن المطبخ الخشمنيوم هو الومينيوم (الجسم الخارجي مدهون. خشمنيوم
والجسم الداخلي(الحشو)أما فايبر او كلادنج او شيت 

واخير النوع الذى من النادر استخدامه هو عمل الوحدات الداخليه من الرخام والضلف بتكون اى نوع من الانواع السابقه



ليست هناك تعليقات:

إرسال تعليق

مرحبا بك

Post Top Ad

Your Ad Spot

اقرأ المزيد