اخر الاخبار

Post Top Ad

Your Ad Spot

السبت، 12 يناير 2019

طريقة تركيب سيراميك الحوائط خاصة المطابخ و الحمامات





يقدم لكم موقعكم المتميز شبكة نداء وبخاصة لمتابعية من مصر العديد من الخدمات التي قد يبحث عنها الكثير على الشبكة العنكبوتية لساعات طويلة ويخرج في نهاية المطاف صفر اليدين لذلك نوفر لك متابعنا العزيز هذه الخدمات عبر موقعنا ونسهل عليك في الوصول اليها واليوم نقدم لك كم طريقة تركيب سيراميك الحوائط خاصة المطابخ و الحمامات .
طريقة تركيب سيراميك الحوائط خاصة المطابخ و الحمامات 
طيب ايه هي الخطوات اللي لازم نأخذ بالنا منها قبل وأثناء و بعد تركيب سيراميك الحوائط 
## قبل التركيب ::
* التأكد من مدي افقية الحوائط قبل التركيب .. و ده عشان لو في حوائط محتاجة تتجهز ( تتلبش ) او تتبني أجزاء فيها أو حتي ممكن تشهد و يعاد بنائها 
* التأكد من استرباع الحيز ( الاجناب موازية لبعضها و زواياها قائمة ) إلا لو كان الحيز طبيعته غير مستربع 
* بيبدا نتفق مع الصنايعي علي طريقة التركيب و هل البلاطة الكاملة تكون تحت أم فوق ( تصحيح البلاط ) 
## أثناء التركيب ::
* بيبدا الصنايعي يشد ساعي رأسي في أول الجنب و ساعي آخر في آخر الجنب 
و بيتم تثبيت الساعي في الحاد من أعلي وأسفل و ليس في السقف كما في المباني 
و يتم وإن السواعي بدقة بواسطة ميزان الخيط 
* بيتم مد خيط أفقي ما بين الخيطين بنسميه في مصر خيط النص 
* في المعتاد بنسب من 3 ل 4 سم بين الخيط و الحائط لزوم قيمة المونة اللاصقة للسيراميك و السيراميك كمان 
* بيبدا الصنايعي يعمل كده في الأربع أجناب و يراجع الاسترباع ( كما ذكرنا في الأعلي )
* بعدها بيبدا يعمل اول مدماك ( بنسميه مدماك الاد ) غالبا مش بيكون أول صف من فوق الارضية .. غالبا بيكون تاني صف 
و ده لأن أول صف غالبا بيكون غير كامل ( جزء من البلاطة ) .. و كمان بنقفل بيه علي سيراميك الأرضيات ...و دي طريقة الاسكندرنية. . لكن في القاهرة بيركبوا سيراميك الحوائط لحد الأرض و يقولوا عليها بسيراميك الأرضيات .. لكن الطريقة الأولي أفضل و بعد كده ممكن نبقي نقول ليه 
* بيبدا الصنايعي يركب حائط حائط لأعلي بالمواصفات المطلوبة و المتفق عليها من البداية 
* المفروض الحائط يتركب علي يومين ( نص الارتفاع كل مرة ) 
* و لابد من تفتيح أماكن العرانيس ( العراميس ) اول بأول عشان السقية فيما بعد 
* تاني يوم يتم رش مياه علي اللي اتركب عشان يزيد من تماسك السيراميك بالحائط 
## بعد التركيب :: 
* يتم ترك الحوائط يوم .. ولا يفضل عمل السقية في نفس يوم الانتهاء من التركيب 
* يتم استلام الحوائط بواسطة زراع ألومنيوم لضمان عدم وجود بلاط داخل وطالع ( مسنن ) 
يتم الطرق علي البلاط لضمان وجود المونة بكامل البلاطة خاصة عند أطراف البلاطة 
و طبعا بتاكد من افقية السيراميك و ده بيكون مهم من أول مدماك اد 
كمان لازم نهتم بشكل العرانيس و يفضل استخدام خامة بلاستك لتثبيت قيمة محددة للعرانيس و ليكن 2 مم ( و تسمي صلايب ) 
* يتم عمل السقية بواسطة سكينة معجون و سافنجة مبلولة. . و ده مهم جدا لضمان جودة الشغل النهائية 
ده كان تعريف بطريقة التركيب النمطية مع بعض التريكات 
لكن ممكن يكون في بوست آخر للمشاكل و الملاحظات اللي بنقابلها و ازاي نحلها 
ارجو تكونوا استفدتوا من الشرح و الصور اللي من شغلنا الفعلي 
و في انتظار تعليقاتكم و أسئلتكم 


ليست هناك تعليقات:

إرسال تعليق

مرحبا بك

Post Top Ad

Your Ad Spot

اقرأ المزيد