اخر الاخبار

Post Top Ad

Your Ad Spot

الجمعة، 15 مارس 2019

اكل الطفل عند 6 شههور الاكل التكميلي






يقدم لكم موقعكم المتميز العاصمة وبخاصة لمتابعية من مصر العديد من الخدمات التي قد يبحث عنها الكثير على الشبكة العنكبوتية لساعات طويلة ويخرج في نهاية المطاف صفر اليدين لذلك نوفر لك متابعنا العزيز هذه الخدمات عبر موقعنا ونسهل عليك في الوصول اليها واليوم نقدم لك اكل الطفل عند 6 شههور الاكل التكميلي


طفلك كمل اول ست شهور من عمره دلوقتي جيه الوقت اللي محتاجين نبدا معاه الاكل ..الاكل ده اسمه غذاء تكميلي ..
المرحله دي تعتبر مرحله انتقاليه طفلك كان اعتماده فقط على الرضاعه دلوقتي ها نبدا نعرفه على الاكل ..محتاج ياكل اطعمة متوازنة تغطي كافة احتياجات جسمه ومحتاجه احافظ على الرضاعه مع الاكل مفيش حاجة تاثر على التانية .
تجربة ادخال الطعام لطفلك ها تؤثر على اسلوبه وطريقة تعامله مع الاكل طول حياته وبالتالي ها تؤثر على صحته طول عمره .
❤️❤️ اول حاجة هنتفق عليها انه اسمه غذاء تكميلي يعني تكميلي للبن الام وليس بديل عنه واحنا عرفنا في البوست اللي فات ان توصيات الاكاديمية الامريكية لطب الاطفال ومنظمة الصحة العالمية ان اول 6 شهور رضاعه طبيعية مطلقه بعد كده بنبدا الغذاء التكميلي مع الرضاعه الطبيعيه لحد سنتين من عمر الطفل❤️❤️ ..
🤔🤔 امتى اعرف ان طفلي مستعد لبدا الطعام ؟؟
⭐️ بيقدر يتحكم في راسه ورقبته .
⭐️ بيعرف يقعد كويس او مسنود حاجه بسيطه .
⭐️ بقى مشدود لشكل الاكل واحنا بناكل قدامه .
🤔🤔 ازاي اقدم الاكل لطفلي ؟؟
في الاول ابدئي بنص معلقه او اقل اعرضي على طفلك الطعام وشجعيه ببعض الاصوات (هممممم, بص ازاي هناكل اكل جميل ) ومتستغربيش من ردة فعله ممكن يرفض الاكل او يلف وشه الناحية التانية متقلقيش احنا لسه بنتعرف على حاجة جديدة علينا .
متاكليش طفك وهو جعان او بيعيط ده ها يخليه غضبان ومش متقبل الاكل الافضل ياخد رضعه صغيرة وبعدين نعرض عليه الاكل .
متستغربيش خالص لو وجبات طفلك الاولى بقت كلها على وشه وايده وهدومه هو لسه بيتعلم حاجة جديدة وده بالنسبه له ضمن الاكتشافات والمغامرات اللي بيخوضها طيب نعمل ايه ؟ بس اغسلي ايده كويس قبل الاكل وسيبيه ينطلق .
🤔🤔 اي الحاجات اللي لازم اعرفها قبل ما فلي يبدا ياكل ؟؟
✍️✍️ خلينا نتفق على شوية قواعد اساسية للاكل :
🤐 ممنوع السكر والملح والحليب قبل سنة .
🤐 ممنوع اي حاجه مصنعه ومغلفه في السوبر ماركت ايا كان نوعها او سعرها لانها بتحتوي على نسبة عالية من السكر والزيوت المهدرجه وكميات كبيرة من الصوديوم والاملاح وكلها حاجات مضرة بصحة اطفالنا واجسامهم .
🤐 طفلك مش محتاج يشرب عصير في اول سنة من عمره وبعد اول سنة لحد 3 سنين مسموح بس بعصير الفاكهه الطبيعي 100% ومش اكتر من 120 مل في اليوم .
📍📍📍 
البسكوت الجاهز والحبوب الجاهزة المخصصه لاكل الاطفال سواء من السوبر ماركت او الصيدليه كلها فيها زيوت نباتيه مهدرجه ونسبة سكر عالية !! ودقيق ابيض !! مضره لصحة الاطفال ها نعمل ايه ؟؟؟ ا نستبدلها بمصدر نشويات صحي في البيت زي الرز او البليلة او الشوفان الحبه الكاملة .
📍📍📍
الجبن المطبوخه زي الكبايات والجبنه المثلثات كل دي مليانه زيوت نباتيه مهدرجه بتسبب السمنه وامراض الضغط والسكر ..
🤐 الاكل ميكونش مضروب لدرجة انه يبقى سايل عشان الطفل يتعلم مهارة المضغ .
✔️✔️✔️ بنقدم الاكل بالمعلقه عشان يتعلم المضغ والبلع مش في البيبرونة عشان البيبرونه بتخلي الطفل ياكل اكتر من حاجته ويدخل مني في مشاكل زيادة الوزن في الاطفال وبتزود من نسبة تسوس الاسنان ..
دلوقتي عرفنا الممنوعات ..عايزين نعرف اي الاكل المفيد اللي اقدر ابدا بيه لطفلي ⁉️⁉️
❤️🧡💛 كل انواع الخضار والفاكهه والبيض واللحوم الحمرا والفراخ والسمك ..الفكره كلها احنا بنبدا بالاكل السهل في البلع زي البطاطا المهروسة او الكوسة المهروسة او الرز المسلوق وبشكل عام اللحوم الحمرا والخضار فيهم عناصر غذائية اعلى من الفاكهه والحبوب
بندخل الاكل بالتدريج ولازم الطفل خلال شهور قليله من الاكل يكون وصل انه بقى ياكل وجبات متنوعه من كل الاصناف ..
🤔🤔 بعمل كده ازاي ؟؟ وامتى اقدر ادخل نوع تاني جديد ؟؟
بنبدا بنوع واحد من الاكل لمدة 3 او 4 ايام ؟؟ ليه عشان طفلي يا خد وقته في انه يتعرف على الطعم الجديد وان انا كأم اتاكد ان طفلي معندوش حساسية من النوع ده ..
⁉️⁉️ ازاي اعرف لو ابني عنده حساسية من الاكل ده ؟؟
لو ظهرت عليه اي حاجة من دول ..
طفح جلدي .. رشح مستمر في الانف .. بقى يرجع بصورة زياده عن قبل كده ..
اسهال او تسلخات في منطقة البامبرز ..زن مستمر .. تغير في قوام البراز اسهال او امساك 
دخلت نوع وعرضته على طفلى في خلال ال3 او 4 ايام دول واطمنت ان كل حاجة كويسة نبدا نعرفه على حاجة تانية جديدة لوحدها ..
المرة الجاية ها نعرف سوا اي انواع الاكل المفيده لسن طفلي واهرس الاكل ولا هو ممكن يمضغ خلاص .وكل التفاصيل اللي محتاجه تعرفيها عن اكل طفلك ...
د.عائشة احمد 
طبيب طب اسره 

استشاري دولي طب الرضاعه الطبيعيه



ليست هناك تعليقات:

إرسال تعليق

مرحبا بك

Post Top Ad

Your Ad Spot

اقرأ المزيد