اخر الاخبار

Post Top Ad

Your Ad Spot

الأحد، 17 مارس 2019

حاجات مهمة وتجارب شخصية عن الغربة








يقدم لكم موقعكم المتميز العاصمة وبخاصة لمتابعية من مصر العديد من الخدمات التي قد يبحث عنها الكثير على الشبكة العنكبوتية لساعات طويلة ويخرج في نهاية المطاف صفر اليدين لذلك نوفر لك متابعنا العزيز هذه الخدمات عبر موقعنا ونسهل عليك في الوصول اليها واليوم نقدم لك حاجات مهمة وتجارب شخصية عن الغربة   .


حاجات مهمة وتجارب شخصية عن الغربة
1- اول ما تنزل من الطيارة اشتري خط سعودي بجواز سفرك من المطار
2 - اعمل اقامتك اول باول وزن علي الكفيل لحد ما يطلعها عشان تبقي قانوني وحافظ عليها دي عليها غرامة ب1000 ريال وقبل ما تطلع واحدة جديدة لازم تعمل اعلان في الجرائط الرسمية
3 - لما ربنا يكرمك وتطلع الاقامة روح احجز في اقرب حملة للعمرة وخليها بداية حلوة
4 - اعمل رخصة قيادة من اقرب مدرسة وياريت مدتها تبقي سنتين بس
5 - الاقامة معاك دايما طول ما انت بره البيت او جواز السفر مؤقتا
6 - افتح حساب في بنك تكون مؤستك مشتركة معاه عشان المرتب ينزل عليه اول باول
بلاش تاخد قروض وكمان افتح حساب تاني للتوفير وواحد للماصريف الشخصية ميزدش فيه 1000 ريال شهريا
7 - بلاش تعمل ماستر كارد وتفضل تخلص فلوسها اون لاين
8- الاقامة معاك دايما طول ما انت بره البيت او جواز السفر مؤقتا
9 - حاول تشتري عربية لو المؤسسة مش موفرة عربية بلاش تشتري مستعمل اقل من 10 الاف هتصرف عليها قد فلوسها مرتين تلاتة
بلاش تشتري من واحد مصري هيعلم عليك
فيه عربيات بالقسط شهري 800 ريال و 1000 ريال وبتمتكلها في الاخر وتدفع دفعة تمليك
عشان تنزل بسيارة مصر لازم تبقي المالك الاول ومتخليش حد يضحك عليك ويقولك انا هخالي السيارة باسمك او مالك اول بتتعرف وكمان عشان تنزل مصر وترخصها نهائي لازم تكون العربية موديل السنة اللي دخلت فيها السعودية
يعني لو دخلت 2010 يبقي العربية موديل 2010 او ما بعد 2010
10 - حط لنفسك ميزانية شهرية للنت والاتصالات متزدش عن 200 ريال وكلم اللي عاوزه علي النت ببلاش
11 - ياريت تسيب مبلغ 2000 ريال كده في جيب الجاكيت في الدولاب للاحتياط واجب
12 - دخل نفسك في اقساط شقة او جمعيات في مصر عشان يبقي عندك التزمات
13- هات اللي نفسك فيه في اول سنة عشان تشد الحزام علي نفسك بعد كده
14 - لو انت عازب اتعلم الطبيخ عشان توفر علي نفسك اكل المطاعم اللي مش مضمونة اوي ومتخفش هتتعلم ازاي تطبخ من الوقت
15 - خليك في الاول تبع سكن الشركة بلاش تاخد بره عشان هتتعب وتشتري عفش وتفدع ايجار خليك في الاول في المضمون لحد ما تعرف ظروف المنطقة اللي انت عايش فيها
16 - حاول تقلل من دائرة اختلاطك مع الناس - اشتري مبتعش - خالي بالك من اللي حواليك - متامنش لاي حد
17 - السعودي بيتقاله يا طيب - اليمني يا ابو اليمن - السوداني يا زول او باشا او بن النيل
18 - بلاش تتخانق مع اي حد وخصوصا السعودي لانه بن البلد والقانون هيقف في صفه حتي لو هو اللي غلطان
19 - الست هنا خط احمر
20 - حاول تخالي كل يوم حتي لو خمس دقائق مكالمة او مسج واتس للوالد والوالدة تطمن عليهم وبلاش تحكي لهم همومك عشان كفاية انك بعيد عنهم وده اكبر هم صدقني

عيش غربتك كانك هتمشي بكرة حاول تصنع بديل في مصر لان مفيش غربة بتدوم ومفيش حاجة مضمونة .... ربنا يحفظني ويحفظكم من كل شر وسوء ويرجعلنا لبلدنا سالمين غالمين يارب العالمين



ليست هناك تعليقات:

إرسال تعليق

مرحبا بك

Post Top Ad

Your Ad Spot

اقرأ المزيد