اخر الاخبار

Post Top Ad

Your Ad Spot

الأحد، 17 مارس 2019

استخراج الرخصة السعودية









يقدم لكم موقعكم المتميز العاصمة وبخاصة لمتابعية من مصر العديد من الخدمات التي قد يبحث عنها الكثير على الشبكة العنكبوتية لساعات طويلة ويخرج في نهاية المطاف صفر اليدين لذلك نوفر لك متابعنا العزيز هذه الخدمات عبر موقعنا ونسهل عليك في الوصول اليها واليوم نقدم لكاستخراج الرخصة السعودية  .


الرخصة السعودية
الاوراق المطلوبة
1 - عدد 4 صور شخصية
2- صورة الاقامة
3 -صورة الرخصة المصرية
4- خطاب من جهة العمل وموثق من الغرفة التجارية بتفيد ان انت بتشتغل في المنطقة دي في حالة ان جهة الاصدار في الاقامة غير مطابقة للمكان بتاعك
ازاي :
الحالة الاولي : يعني مثلا الاقامة بتاعتي جهة صدورها الرياض وانا بعمل رخصة في المجمعة يبقي لازم الجواب ده وموجه مدير ادراة المرور بالمجمعة
الحالة الثانية : مثلا جهة اصدار الاقامة بتاعتي المجمعة وانا بعمل رخصة في المجمعة يبقي مش بتحتاج لاي جواب من الكفيل
الخطوات بالتفصيل
1 - هتروح مدرسة المرور "دلة " تسحب ملف التقديم وتقول للعسكري انا معايا الرصخة المصرية وطبعا هيدبسها في الملف وتخالي العسكري اللي هناك يدبسلك الورق بتاعك ويشوف الناقص ويقولك ناقصك ايه وتكمله وهيديك الملف الاخضر
2 - تروح اقرب مستشفي عشان تعمل الاجراءات الصحية هما عارفين بس تاخد معاك الملف الاخضر وانت رايح تقولهم انا عاوز اعمل كشف المرور
3- هتكشف علي عينك وباطنة متقلقش كله يعدي منها هتنزل تحت تتبرع بالدم بيتاخد منك كيس دم
4- تاخد الملف المختوم من دكتور العيون ودكتور الباطنة وبنك الدم اللي اتبرعت فيه
5- ترجع تاني للمدرسة وتخلص بقيت الاوراق بتاعك وتقوله انا هعمل الرخصة بدون قيود*
6 - هيدخلك قاعة ويشرحلك الاشارات وتاخد ورقة فيها الاشارات
7 - هتروح مكان اختبار القيادة وتشوف هو بيسوق ازاي وكمان ازاي بيعمل التلبيكة
التلبيكة : يعني تركن السيارة بتاعتك بين القرطاس
8 - تاني يوم تروح بدري من الساعة 7 اذا اكمن 6.30 كمان
9- هتروح ساحة القيادة تراخد مكانك وتستني الدور
10- هتركب السيارة المانويل عشان تبقي بدون قيود
11-لو نجحت في اختبار القيادة هتروح مكان اختبار الاشارات تقف علي جهاز وتجاوب في مدة محددة حوالي 15 من 20 سؤال
12 - لو نجحت علي الشاشة هيقولك روح سدد عدد السنوات في اقرب صرافة
رسوم الرخصة
80 ريال سنتين
200 ريال 5 سنين
400 ريال 10 سنين
13 - تروح ادارة المرور عندك وليست المدرسة وهتلاقي الرخصة في انتظارك ومطبوعة اتاكد من بياناتك وانها بدون قيود لو انت امتحنت مانويل
ملاحظات هامة
اولا : وانت في السيارة البس الحزام - ضبط الكرسي بتاعك علي حسب راحتك - ضبط المريات كلها - شغل الانتظار طول ما انت متوقف - اول لما تيجي تمشي نزل الهاند واطفي الانتظار - توكل علي الله وخالي بالك الاشارات مطلوبة يمين او شمال توقف لما تلاقي اشارة توقف خليك علي سرعة 20 كم بس مش اكتر وانت بتلبك براحتك خالص محدش بيحري وراك
ثانيا : رخصة بدون قيود : يعني تسوق عربية مانويل او اتوماتيك
رخصة بقيود : تسوق اتوماتيك بس ولو اتمسكت وانت سايق مانويل هتاخد مخالفة
ثالثا : اعمل الرخصة سنتين بس عشان بتتغير لو غيرت الكفيل هتعمل نفس الاجراءات تاني بس بدون امتحانات
رابعا : روح بدري الحمد لله بفضل ربنا عملت الاختبار والكشف والرخصة في يوم واحد
خامسا : لقدر الله وسقط في اي اختبار منهم بيقولك تعالي مثلا بعد خمسة ايام كده

سادسا : متنساش بقي الشربات بقي لما تطلع الرخصة ومبروك عليك :)

ليست هناك تعليقات:

إرسال تعليق

مرحبا بك

Post Top Ad

Your Ad Spot

اقرأ المزيد